طريقة تحليل السيو وتحليل مواقع المنافسين والتفوق عليهم وفحص اضافات المنافسين والمواقع والأدوات التي يستخدمها المنافس فحص محتوى المنافسين وتحديد الكلمات المفتاحية كل هذا من خلال ادوات السيو Seo
 |
طريقة تحليل سيو موقعك وقياس موقع المنافسين |
تحليل السيو Seo وتحديد المنافسين :-
الكثير يكتب فى مقالات عديدة عندى ادوات لمعرفة المنافسين لأى موقع ولكن معرفة المنافس ليس شىء صعب على فرض المثال لو حضرتك هاتعمل موضوع جديد عن مواصفات ” Galaxy Note 9 ” جالاكسي نوت 9 اكيد حضرتك زاى ما قلنا سابقا لازم هاتبحث عن مصدر معلومات لكتابة موضوعك او عن طريق طريق البحث مباشرة عن الكلمة المفتاحية والدخول الى اول 15 او20 نتيجة فى الصفحة الاولى والثانية لتكتشف المنافسين الحقيقين لك طيب لية الصفحة التانية ما الصفحة الاولى كفاية عشان تخد نتيجة افضل لزم بردة تعرف مين المنافسين القادمون والذى من المفترض التفوق عليهم بعد وقت قصير طيب كدة عرفت المنافس اية اللى بعد كدة
طريقة قياس سرعة موقعك و مواقع المنافسين ومدى تجاوب الموقع مع الهواتف ؟
ودى نقطة يجب التركيز عليها وقد تكلمنا عليها سابقا فى اختيار قالب للمدونة متوافق مع جميع الاجهزة فى درس العوامل الرائيسية لنجاح اى مدونة ولكن اليوم تعرف على اشهر خدمات و ادوات مجانية يمكنك بها فحص سرعة مواقعك وموقع المنافسين عن طريق الاداتين الاشهر الذى يستخدمها المنافسين الادة الاولى وهى .
PageSpeed Insights اما الادة الثانية وهى الاروع ولكن لك خمس روابط فقط شهريا وهو موقع GTmetrix يعطيك تفاصيل أشمل عن سرعة موقعك وما الذي يؤخر تحميل الصفحات لديك، ويقوم بعرض النتائج على شكل نسبة مئوية طبعا حضرتك دلوقتى حاسس ان الموضوع صعب هو صعب لو ها تفحص كل الموقع ولكن يكفى الموقع المتصدر النتيجة الاولى والتانية بس لان هو دة الهدف اللى بنسعى من اجلة
طريقة قياس عدد كلمات المحتوى ؟
بالطبع انا عدد الكلمات شىء مهم جدا وليس شرطا قياس عدد الكلمات للمنافس لاننا اتفقنا على ان لايقل عدد كلمات المحتوى من 300 الى 500 كلمة وكلما زاد كان افضل ولكن احترس من الزيادت الغير لازمة يعنى لو الموضوع يستهل الـ 500 كلمة نستمر طيب هاعرف ازاى عدد الحروف والكلمات بردة فية ادة سهلة هاتحسب ليك الكلمات والحروف كمان وهى wordcounter360 ولا تحتاج الى شرح فقط انسخ موضوعك ولصقة فى الموقع وسيعطيك العدد فورا
فحص محتوى المنافسين وتحديد الكلمات المفتاحية وفجوة الكلمات الرئيسية :-
كدة الوقتى دخلنا فى الجاد والاهم وهى فحص محتوى المنافسين وعناوين Titles فى محركات البحث طب لية اعرف دة باختصارلانة اساس الربح من التدوين ولانة المتحكم فى نسبة النقر الى الظهور CTR فكلما ارتفع CTR كلما ارتفع ترتيب موقعك عن مواقع المنافسين ودة من خلال تحليل فجوة الكلمات الرئيسية والكلمات الدلالية
يعنى حضرتك عايز تقول ان انا هاعرف كلمات المنافس واشتغل عليها او اشوف هو بيستعملها ازاى واشتغل زاى ماهو بيعمل هاقولك مش فى كل الاحوال زاى ما قلنا فى الدرس السابق ان السيو متجدد كل يوم والتانى يبقى كل اللى هانعملة هاندرس كل الكلمات ونشوف اللى لسة شغالة واللى عليها نسبة فى النقر ونسبة النقرة كام طب اعرف كل دة ازاى دة صعب لاء طبعا سهل انت اللى مش عايز تتعب نفسك لوقلت كدة واللى بقولة الوقت مش هاتفضل تعملة علطول التعب فى الاول بس وبعد كدة الممارسة والخبرة هاتلاقى كل حاجة بقت سهلة بس نخلينا فى الوقتى اعمل اية عشان اعرف الكلام دة ركز معايا :-
هتدخل الموقع الأكثر من رائع موقع semrush
- كل ما ستفعلة فقط ضع رابط الموقع الذى تريد ان تعرف كل شىء عنة ثم انتر وستجد كل شىء تود معرفتة عن المنافس لك نعم كل شىء حتى مصادر الزيارات والكلمات الدلالية والرئيسية وسعر النقرة وكام زيارة حصل عليها من خلال هذة الكلمة واكثر من ذلك اكتشف بنفسك لان الموضوع طويل ولكن الموقع سهل ولو اردتم انا اشرحه اخبرونى فى التعليقات ولكن يجب عليك التسجيل فية فعند التسجيل يعطيك 10 روابط فقط لتعرف عنهما ما تريد وبعد ذلك يمكنك الشراء ان اردت .
طريقة فحص مصدر الباك لينكات للمنافسين :-
دخلت فى مصدر الباك لينكات مباشرة بعد النقطة السابقة عشان قبل ما نخرج من الموقع السابق semrush ونستغل الوقت المجانى لان للاسف اكثر مواقع فحص مصادر الباك لينكات مدفوعة مثل المواقع الشهيرة التالية :-
moz – openlinkprofiler – webmeup – ranktrackr
- عشان كدة فى نفس الموقع وانت بتبحث عن الكلمات الدلالية ركز فى الاحصائيات هاتلاقى مصادر الباك لينكات حتى فحص السوشيال سيجنالز والمقصود بالسوشيال سيجنالز جميع مواقع السوشيال ميديا عامة ومدى تفاعل المستخدمين من عمل لايك او شير ام لا وبيعطيك الاضافات الخاصة بكل منافس المدفوع والغير مدفوع حتى لوكان عامل اعلان لموقعة عامل الاعلان فين وحقق منة زيارات قد اية وفحص نظام AMP , يعنى من الاخر الموقع بيعطيك احصائيات شاملة وكاملة عن المنافس
- والحاجة التانية فى الباك لينكات اربط جميع صفحات التواصل الاجتماعى الخاصة بيك فى موقعك وقم بنشر كل ما تدونة فى الموقع .
- لاتنشر اى موضيع الا لم يكون موقعك متكامل وفية مواضيع تجذب الزائر فلانريد ان نخسر حتى زائر واحد الان .
- اجعل بين كل منشور والاخر فترة لاتقل عن ربع ساعة ومش اكتر من ثلاث منشورات فى اليوم حتى لا يتم حظر حسابك .
شرح طريقة عمل روابط داخلية لتحسين السيو لتقوية أرشفة مدونة بلوجر
بالطبع عمل شبكة روابط داخلية قوية تربط صفحات موقعك ببعضها البعض باسلوب ذكى يحقق اعلى معدل CTR طب هى اية شبكة الروابط دى ؟ حضرتك انا شرحت فى درس سابق عن ( طريقة ظهور موقعك فى النتائج الاولى من محركات البحث )
حضرتك لو نظرت فى الجملة السابقة بين القواسين هو عنوان لموضوع انا شرحتة قبل كدة فى نفس الموقع وانت بتقراء وماشى بالماوس على الكلام هاتلاقى ان فية رابط لو ضغطت بيحولك للصفحة بتاع الموضوع اللى اتشرح قبل كدة ولو ركزت اكتر هاتلاقى ان العنوان فية كلمات دلالية وبالضغط عليها اصبحت كلمة مفتاحية تفتح موضوع اخر طب اية الفائدة من كدة وعملت الرابط دة ازاى اسمحوا لى اوضح النقطة دى للى مش عارف بالصور .
أسهل طريقة لإنشاء الروابط الداخلية والخارجية لموقعك صديقة لمحركات البحث
 |
| طريقة بناء الرَّوابط الداخلية والخارجية |
- كما تشاهدون فى الصورة السابقة رقم 1 نقوم بتحديد النص المراد عمل رابط لة رقم 2 تشير الصعود الادوات فى اعلى الموضوع والضغط على كلمة الارتباط وبعد الضغط تظهر لك النافذة التى فى الصورة التالية .
 |
| طريقة بناء الرَّوابط الداخلية والخارجية |
- كما تشاهدون النص الذى تم تحديدة موجود تلقائى فى الخانة الاولى وفى الخانة الثانية تضع الرابط كما هو مشار فى الصورة .
- طيب ازاى يكون صديق السيو Seo ومحركات البحث وكمان الاحسن للزائر دة اللى ها نعرفة من رقم 1 ورقم 2 الموجودة فى الصورة .
- عايزك تكون فى مقولة خير الامور الوسط يعنى عشان اعمل رابط زاى ما انا ذكرت صديق للكل يبقى لو انا عامل الرابط اللى ها يتم تحويل الزائر الية داخل موقعى اشيل العلامة من رقم واحد اللى فى الصورة عشان الزائر يرجع يقراء باقى الموضوع ويبقى كدة فى معدل ارتداد لان لو وضعت العلامة هايفتح فى صفحة تانية اما لو رابط خارجى انا عن نفسى افضل ان اضع العلامة فى رقم واحد ودة الافضل للزائر يبقى انا مرة عملت لمحركات البحث ومرة للزائر وقبل ما اخرج من الرابط اللى هايحول الزائر خارج الموقع اعلم على رقم اتنين اللى فى الصورة ودة عشان اقول لجوجل دة خارج موقعى وكدة انت بتنظام لة البيانات
ما فائدة بناء الرَّوابط الداخلية والخارجية ؟
اول حاجة لو الزائر مش فاهم النقطة اللى انت بتشرحها فـ بتعطية مفتاح يدخل يعرف اية معنى النقطة دى.
تانى حاجة انتقل لصفحة تانية او موضوع تانى فى موقعك وبيرجع يكمل الموضوع دة طبعا لو المحتوى شايق ويستهل انة يرجع عشان يفهم باقى الموضوع .
وطبعا دة لو مضحكتش علية ودخلتة فى رابط وهمى لازم تبقى عارف ان شركة جوجل عارفه الكلام دة كلة باختصار لانها بتحسب الوقت اللى الزائر دخل عندك فية وخرج فية وتجول فى موقعك ولا لاء لان حضرتك اعطيت لجوجل عنوان وكلمات دلالية وقلت لة يا استاذ جوجل لوحد سأل عن الموضوع دة والكلمات دى انا موجود وطبعا هو قال ليك حاضر وبعت الزائر ليك لما يلاقى الزائر ما كملش حاجة فى الصفحة او الروابط اللى انت عاملها بيعتبرة سبام وحضرتك تنزل اكتر من درجة فى محركات البحث يعنى خد بالك كويس .
طيب انا ماعنديش لسة مواضيع فى الموقع اعمل لها روابط هاقولك زاى ما قلنا قبل كدة اتفقنا ان احنا نعمل حوالى من عشرين موضوع على الاقل وبعد كدة اراجع المواضيع كلها واربط المواضيع ببعض ودة بذكاء مش عشوائى وبعد كدة نعلن عن انطلاق مدونة جديدة .
واخيرا :-
اعرف ان الموضوع طويل واسف على الاطالة ولكن فقط اريد ان اشرح كل نقطة بمختصر مفيد وادعوا اللة ان اكون وفقت فى الشرح وتوصيل المعلومة ببساطة
وكل نقطة من النقاط السابقة تحتاج اى درس فاذا توقفت عليك نقطة معينة اكتب فى تعليق او تواصل معى وانا ساقوم بالشرح اما لو عندك جديد او لاحظت خطاء ما فى الشرح يرجى توجيهنا ايضا فانحن هنا معا لنفيد ومن بعضنا نستفيد وانتظرونا فى باقى سلسلة ادوات السيو On-Page Seo
- موضوع الدرس القادم :-
- نصائح مهمة وخطيرة فى السيو Seo Tips
- عمل صفحات هامة فى الموقع لقبولك فى الارشفة وجوجل ادسنس
- ارشفة الموقع فى محركات البحث جوجل , بينغ , ياهو
- اضافة الموقع او المدونة لأدوات مشرفي مواقع جوجل Webmaster tools
- طريقة عمل خريطة للموقع Sitmap وملف robots.txt وتقديمها لجوجل مشرفى
- اهم واشهر الاضافات التى يستخدمها المدونين والتى يجب عليك تثبيتها
إرسال تعليق